Fáðu aðvaranir í SMS

Gos á Reykjanesi

Miðvikudagur 22. september 2021

Hvasst og kalt á svæðinu, stígar blautir og hálir. Ekki góðar aðstæður til göngu. Hlý og góð skjólföt ásamt góðum gönguskóm nauðsynleg.

Leið C liggur inn Nátthaga að hraunflæðinu, stutt og auðveld leið (um 1 klst fram og til baka).
Frá Nátthaga má ganga áfram upp á Langahrygg og fá yfirsýn yfir gutlandi gíginn og gosvirkni síðustu mánaða (gangan lengist um 1-2 klst).

Leið B er lengri (3-4 klst fram og tilbaka) og nokkuð erfiðari en leið C, með brattari brekku. Frá leið B má sjá gíginn, sjást brattir barmar gígsins en lítil virkni frá þessari leið þar sem op gígsins sem hraun vellur um snýr frá henni.

Leið A er lokuð.

Smellið hér til að sjá upplýsingar um veður og gasmengun.

Gangið ekki á hrauninu. Þó það sjáist ekki, þá gæti verið glóandi, allt að 1.000°C heitt hraun rétt undir.
Bannað er að leggja á Suðurstrandarvegi, leggja skal í bílastæði, aðkoma að bílastæði er bæði úr austri og vestri.
Smellið hér til að sjá mynd/kort af gönguleiðum B og C. Leið A sameinast leið B.

Hér er GPS trakk af gönguleið B (efri leið á korti). Hún er rúmir 4 km (rúmir 8 km fram og til baka), brött brekka þar sem reipi er til stuðnings. Annars er gengið á hrauni, melum og í fjallshlíðum. Áætla má 3-4 klst. fram og tilbaka fyrir meðalvant göngufólk. Gönguleiðin er stikuð og greinileg.

Hér er GPS trakk af gönguleið C frá grunnbúðum og hér er GPS trakk af gönguleið C frá neðra bílastæði.

Smellið hér til að sækja kortaforrit í farsímann með gönguleiðinni (fyrir þá sem ekki eiga GPS tæki).
Nauðsynlegt er að vera í góðum gönguskóm, hlýjum fatnaði, vind- og vatnsheldu ysta lagi þar sem veðrið getur breyst skjótt á Íslandi. Sjá ítarlegan útbúnaðarlista hér og smelltu hér til að sjá það allra nauðsynlegasta.
 Haldið ykkur við hæðir og hryggi, forðist dali og dældir vegna uppsöfnunar á gasi.
 Gasmengun sést ekki og getur verið lyktarlaus. Hún fylgir ekki endilega gosmekki á svæðinu og getur aukist skyndilega.  Ef þið finnið fyrir óþægindum, yfirgefið þá svæðið strax.
 Leitið hiklaust til björgunarsveitarfólks, lögreglu eða landvarða á svæðinu til að fá upplýsingar ef þarf.
 Það er farið að dimma á kvöldin og nóttunni. Gott að taka með sér höfuðljós.
 
  Látið vita af ykkur. Setjið t.d. inn ferðaáætlun hér.
 Not For Children Icon On White Background. Flat Style. STOP!.. Royalty Free  Cliparts, Vectors, And Stock Illustration. Image 135058673.Ekki er ráðlagt að fara með börn 6 ára og yngri að gosstöðvunum ef hætta er á gasmengun á gönguleið eða á útsýnisstað.
Mælt er eindregið gegn því að taka hunda með á gossvæðið. Flúor og gasmengun sem er nokkur á svæðinu fer mjög illa í þá. Einnig fer mengun sem lagst hefur á jörðu illa með þófa.