Akstur á hálendinu (F-vegir)
Þetta er mjög ólíkt öðrum akstri. Aðstæður geta breyst hratt, það eru óbrúaðar ár til að fara yfir, „vegirnir“ eru ójafnir og það er mikilvægt að aka hægt.
Athugið að ekki eru allir fjórhjóladrifnir bílar góðir fyrir F-vegi! Sumir F-vegir eru í lagi fyrir Dacia Duster (eða svipaðan), fyrir aðra þarftu Toyota Landcruiser (eða svipaðan/stærri) og fyrir suma þarftu sérbreyttan upphækkaðan jeppa.
Hafðu í huga að engin trygging bætir tjón á ökutæki sem tjónast við að fara yfir óbrúaða á!
- Áhættan er alltaf þín, tjónið getur verið allt bílverðið
- Straumur og dýpi getur stöðugt verið að breytast og ár geta orið ófærar á stuttum tíma.
- Ef þú ert óviss um hvort áin sé fær þá skaltu ekki fara yfir. Snúðu við eða ef þú ert bjartsýnn, bíddu eftir öðrum ferðalöngum.
- Skipuleggið leiðina sem þið ætlið að fara áður en þið farið út í. Keyrið hægt í lægsta gír í lága drifinu. Skiptið ekki um gír á meðan þið eruð í ánni!
- Reyndu alltaf að keyra undan straum það minnkar hættuna á að vatn fari inn í vélina og eða bíllinn festist í ánni við að berjast við strauminn.
- Reyndu að sjá hvar slóðin er hinu megin og vertu á varðbergi út af stórum steinum sem leynast geta undir vatnsyfirborðinu.
Fyrsta sem þarf að athuga: hvort F-vegirnir á svæðinu séu opnir núna. Sjá hér: https://umferdin.is/en
Þeir eru venjulega lokaðir frá miðjum september fram í júní/júlí. Á þeim tíma eru vegirnir lokaðir/ófærir fyrir alla sem ekki eru í breyttum bíl (superjeppa) og ef þú vilt komast þangað þarftu að bóka breyttan bíl með reyndum bílstjóra.
Fáðu allar upplýsingar sem þú getur um svæðið sem þú ætlar að ferðast um , til dæmis frá Safetravel, upplýsingamiðstöðvum á svæðinu, landvörðum og skálavörðum.
Akstur utan vega er stranglega bannaður. Að aka F-vegir og malarvegi er ekki utanvegaakstur, en þegar ekið er út fyrir þá, þá er það utanvegaakstur.
