Gönguferðir

Rétt leiðarval, góð áætlun og réttur búnaður eru lykilþættir í vel heppnaðri gönguferð. Leiðarval skal taka mið af göngufólki, líkamsformi þeirra, reynslu og þekkingu á gönguferðum. Skiljið ferðaáætlun eftir hjá traustum aðila. Haltu þig við ferðaáætlunina, ef þarf að breyta, láttu þá vita af því. Ef gestabók er í skála þar sem þú kemur við, kvittaðu í hana.
Þrátt  fyrir stikaða gönguleið getur skyggni orðið mjög slæmt. Nauðsynlegt að hafa með GPS og áttavita og kunna að nota þessi áhöld.
Fylgstu vel með ferðafélögum. Þreyta og ofkæling er fljót að koma. Gera strax að álagsmeiðslum eins og blöðrumyndun.
Kannaðu veðurspá daglega, t.d. hjá landvörðum eða skálavörðum og spurðu þá hvort eitthvað sérstakt sé við aðstæður.