Siglingar

Vatnasport er bæði algengt og vinsælt hér á landi enda stórkostlegt að upplifa og skoða náttúruna utan af sjó eða af vötnum svo ekki sé minnst á hið mikla fuglalíf sem þar má sjá.

En eins og svo margt sem er gaman þarf að huga að örygginu enda þarf fumlaus vinnubrögð ef slys verður á vatni eða sjó.

Undirbúningur

  • Yfirfarðu bátinn, skoðaðu hvort hann lekur, hvort mótorinn sé í lagi, árarnar í lagi og hvort nægt eldsneyti sé á honum.
  • Vertu með farsíma eða annað fjarskiptatæki til að kalla eftir aðstoð ef á þarf að halda.
  • Skilja skal eftir leiðaráætlun eða að minnsta kosti að láta einhvern í landi vita hvert skal haldið og hversu lengi eigi að vera.
  • Réttur klæðnaður er einnig mikilvægur því þótt lofthiti sé ágætur þá segir það lítið ef einstaklingur fellur fyrir borð.
  • Veðurspáin er eitthvað sem alltaf á að kanna ef haldið er út á vatn eða bát hvort sem um lengri eða skemmri ferð er að ræða.
  • Áfengi og siglingar eiga alls ekki saman.

Þegar siglt er

  • Björgunarvesti eru skyldubúnaður í hvert sinn sem farið er á flot.
  • Björgunarvestin verða að passa þeim sem þau nota og er það sérstaklega mikilvægt ef um börn er að ræða.
  • Börn eiga aldrei að vera eftirlitslaus við sjó eða vötn og hvað þá ein að sigla bátum.
  • Ef þú ert með árabát er nauðsynlegt að árunum sé þannig komið fyrir að þær losni ekki úr keipunum og þú getir misst þær frá þér.