Skotveiði lýtur að mörgu leyti sömu lögmálum og önnur almenn útivist nema hvað að við bætist ábyrg hegðun vegna skotvopna.
Rjúpnaveiðmenn þurfa að kynna sér vel þau svæði sem ganga á til rjúpna á og ekki síst þá veðurspá og aðstæður síðustu daga á svæðinu þar sem snjóflóðahætta leynist víða til fjalla.
Hafðu því eftirfarandi alltaf í huga:
- Kannaðu vel aðstæður á veiðisvæðinu og fylgstu með veðurspá.
- Hafðu í huga að á veturnar til fjalla er oft snjóflóðahætta. Haltu þig við flatari svæði
- Farðu aldrei einn til veiða og sýndu aðgát ef margir eru við veiðar á svæðinu.
- Vertu með kort, áttavita og GPS tæki (nóg af auka rafhlöðum) og vertu viss um að þú kunnir að nota.
- Vertu með 112 Iceland appið í símanum þínum
- Vertu rétt klæddur, nýttu þér útbúnaðarlista og vertu með aukafatnað og nesti. Lagskiptur fatnaður getur skipt sköpum.
- Skildu eftir ferðaáætlun hjá einhverjum sem brugðist við ef á þarf að halda t.d. hér á Safetravel.is
- Vertu með réttan öryggisbúnað s.s. síma (ásamt hleðslubanka fyrir hann eða auka rafhlöðu), neyðarblys, sjúkratösku og annað sem þarf.
- Veiðitímabilið er takmarkað. Láttu ekki áhuga eða þrýsting ýta þér út í veður eða aðstæður sem gætu skapað þér hættu eingöngu vegna þess að tímabilið er stutt eða því er að ljúka.
- Kynntu þér siðareglur skotveiðimanna og umgengni um skotvopn t.d. á heimasíðu Skotvís
