Snjóflóð – Safetravel

Aðvaranir

29.-30. mars, 2023: Appelsínugul veðurviðvörun

Austfirðir: Búast má við mikilli snjókomu og skafrenningi með þungri færð og lélegu skyggni til miðnættis, hviður allt að 45 m/s. Rigning og hlýnandi veður á fimmtudag með asahláku og vatnavöxtum. Miklar líkur á samgöngutruflunum.

28.-30. mars, 2023: Mikil snjóflóðahætta á Austurlandi.

Vegna mikillar snjóflóðahættu á Austulandi eru engin ferðaskilyrði þar. Íbúar og ferðamenn Neskaupsstaðar eru beðin um að halda sig heima. Hægt er að fylgjast með snjóflóðaspá hér: https://vedur.is/ofanflod/snjoflodaspa/

28-30. mars, 2023: Snjóflóðahætta á Austfjörðum, Vestfjörðum og Tröllaskaga

Mikil snjóflóðahætta (stig 4-5 af 5) er í fjalllendi á Austfjörðum og töluverð snjóflóðahætta (stig 3 af 5) er í fjalllendi á Vestfjörðum og Tröllaskaga. Útivistarfólk er beðið að fara varlega á ferðalögum til fjalla og forðast svæði þar sem snjóalög eru ótrygg.

Mars 2023: Hættulegar aðstæður við fossa og ár

Gríðarlega hættulegar aðstæður geta skapast við fossa og ár vegna mikillar hálku. Eins þarf að fara varlega við klettaveggi þar sem ís getur fallið. Nauðsynlegt er að vera með brodda og í góðum skóm.

Mars 2023: Lokað fyrir aftan Seljalandsfoss.

Vegna hálku og hættu á grjóthrunu er stígurinn fyrir aftan Seljalandsfoss lokaður. Vinsamlegast virðið lokanir.

	Það á alltaf að vera með hina heilögu þrenningu: snjóflóðaýli, skóflu og snjóflóðastöng. Með þekkingu og skynsamri hegðun má lágmarka ferðir um snjóflóðasvæði, vísbending um hættu er t.d.: Þar sem skafrenningur safnast fyrir í bratta er snjóflóðahætta, helst í 30-55 gráðu halla. Nýfallin snjór er skýrt dæmi um yfirvofandi hættu, skafrenningur eða mikil ofankoma. Vindfleki og merki um að flekinn sé ótraustur undirlaginu; holahljóð, brestir eða sprungur. Snögg hækkun hitastigs, hiti yfir frostmarki, rigning, snjóboltar sem rúlla.
	Leiðarval skiptir miklu máli þegar forðast á snjóflóðahættusvæði. Meginreglan er að dalbotninn er öruggastur. Ef nauðsynlegt er að fara yfir hættusvæði skal fara mjög varlega og bara einn fer yfir í einu.
	Ef einhver lendir í flóði: Meta snögglega frekari snjóflóðahættu. Senda strax boð um aðstoð. Hefja strax leit með snjóflóðaýli. Ef það er ekki ýlir þá merkja staðinn þar sem viðkomandi sást síðast og þar sem hann lenti í flóðinu. Byrjið á að leita í yfirborðinu og merkið alla staði þar sem hlutir finnast. Líklegustu staðir til að finna viðkomandi eru í tungu flóðsins, í beygjum og við stóra steina.